चैत्र महिन्याच्या नवव्या दिवशी रामजन्म होई
इतिहासाची अविस्मरणीय घटना जणू पुनर्जीवित होई
दशरथ राजा अपत्यासाठी करी होम मोठा
अग्निदेवाही प्रसन्न होऊनी देई दिव्यं फळाला
हे फळ देई राजा तू आपुल्या आवडत्या पत्नीला
खाता होईल प्राप्ती एका सुंदर पुत्राची तिजला
राजाला परी प्रिय असती त्याच्या तीनही राण्या
निर्णय घेई फळ दिव्यं ते सम विभागून वाटण्या
भूमितीचे ज्ञान नसावे तेव्हां विकसित झालेले
तीनाऐवजी चार भाग मग दिव्याफलाचे केले
कोसल्या,कैकेयी ,पुढे होऊनी ग्रहण करती दोन भाग
राहिले दोन ते खाउनी ,सुमित्रेस दोन जुळ्यांचा लाभ
रामचंद्र युवराज येई पण पत्तारानीच्या पोटी
आनंदाने भरुनी अयोध्या आरास करी ती मोठी
पराक्रमी अन थोर असा तो युगपुरुष जाहला
म्हणून आजही रामनवमी ला रामजन्म सोहळा
